Joriy yilning 24-aprel kuni Toshkent shahridagi Singapur menejmentni rivojlantirish institutida Swiss Global Learning vakillari bilan uchrashuv bo‘lib o‘tdi. Shveytsariyadan tashrif buyurgan mehmonlar TSMRI vakillari bilan samarali muzokaralar olib borishdi.

Mikele Korbi va Alina Dumea talabalarning tayyorgarligi va ingliz tilini bilish darajasi yuqori ekanligini qayd etdilar. Turizm laboratoriyasiga tashrif va institut faoliyati bilan tanishish mehmonlarda katta qiziqish uyg‘otib, ta’lim va kadrlar tayyorlash sohasida samarali hamkorlikni yo‘lga qo‘yish istagini bildirdi.

Uchrashuvda tomonlar Toshkent viloyatining turizm va mehmondo‘stlik sohasi mutaxassislari uchun qisqa muddatli o‘quv kurslarini birgalikda tashkil etishga kelishib oldilar. Asosiy tashabbuslardan biri 2024-yilning iyun oyida Toshkent viloyati hokimligi bilan hamkorlikda tashkil etiladigan restoran biznesi xodimlari uchun trening bo‘lishini qayd etish mumkin.