Joriy yilning 26-mart kuni Hilton mehmonxonalar tarmog'ining Rossiya va MDH dagi rivojlanish bo'yicha vakillari direktor Aleksey Shatalov boshchiligida Toshkent shahridagi Singapur menejmentni rivojlantirish institutiga tashrif buyurdi.

Tashrif davomida hamkorlik aloqalarini yo'lga qo'yish hamda o'zaro manfaatli shartlarda hamkorlik istiqbollarini rivojlantirish masalalari muhokama qilindi. Shuningdek, ikki tomon ham bir birining tajribasidan foydalangan holda ijobiy natijalarga erishishi mumkinligi keltirib o'tildi.

Ta'kidlash joizki, Toshkent sayyohlik maskani sifatida rivojlanishda davom etar ekan mahalliy tashkilotlar va ushbu xalqaro mehmondo'stlik tarmoqlari o'rtasidagi hamkorlik aloqalari soha rivojini yangi bosqichga olib chiqishda muhim ahamiyat kasb etadi.