Joriy yilning 20-yanvar kuni Toshkent shahridagi Singapur menejmentni rivojlantirish institutida “Hampton by Hilton” xalqaro mehmonxona tarmog‘i vakillari bilan uchrashuv bo‘lib o‘tdi.

Ushbu uchrashuvda ikki tomon o‘rtasidagi hamkorlik masalalari muhokama qilinib har ikki tomon uchun manfaatli bo‘lgan masalalar o‘rganib chiqildi. Jumladan, mehmonxona sanoati mutaxassislarining bilim va malakalarini oshirishga qaratilgan qo‘shma o‘quv dasturlar va seminarlar o‘tkazish imkoniyatlari muhokama qilindi.

Ta’kidlash joizki, tomonlar kelgusida samarali hamkorlikni yo‘lga qo‘yish va memorandum orqali istiqbolli hamkorlikni mustahkamlash to‘g‘risida kelishib olishdi.